Ázerbaıjanda 18 mamyrdan «Spýtnık V» vaktsınasy salyna bastaıdy
BAKÝ. QazAqparat – 18 mamyrdan bastap Ázerbaıjan azamattary koronavırýsqa qarsy reseılik «Spýtnık V» vaktsınasyn saldyra alady, dep habarlaıdy QazAqparat eldiń densaýlyq saqtaý mınıstrligine silteme jasap.
Jalpy, elge birinshi kezeńde 2 mln astam vaktsına jetkizildi: 40 myń «Spýtnık V» dozasy, 84 myń AstraZeneca dozasy jáne 1 mln 713 myń CoronaVac dozasy.
Búgingi tańda Ázerbaıjanda halyqtyń shamamen 7,5% vaktsına aldy. 18 qańtardan bastap elde vaktsınanyń 1 795 049 dozasy qoldanyldy: birinshisin 1 032 054 adam alsa, ekeýin de alǵandar sany – 766 689.
Jalpy, halyqty vaktsınalaý aıasynda Ázerbaıjandaǵy epıdemıologııalyq jaǵdaı sońǵy kúnderi oń dınamıkany kórsetýde. Sońǵy táýlikte COVID-19 juqtyrýdyń 426 jańa jaǵdaıy anyqtaldy, al ótken jyldyń jeltoqsan aıynda budan 10 ese kóp jaǵdaı tirkelgen bolatyn.
Serikbol Qoshmaǵambetov
