Ázerbaıjan jylannyń ýyn eksporttamaq

BAKÝ. QazAqparat - Ázerbaıjanda qarasur jylannyń ýyn eksporttaý jóninde kelissózder bastaldy. Bul týraly Trend agenttigi Ázerbaıjan Ulttyq ǵylym akademııasy Zoologııa ınstıtýtynyń dırektory Elman ıÝsıfovqa silteme jasap habarlady.

Instıtýt dırektorynyń sózine qaraǵanda, qazirgi kezde Túrkııanyń Marmara Trade kompanııasymen jylannyń ýyn eksporttaý jóninde kelissózder júrgizilip jatyr.

«Olar keńestik kezeńnen qalǵan jylan ýynyń bir bóligin satyp alý úshin júgindi. Olar halyqaralyq zerthanada sol ýǵa taldaý jasaıdy. Ýdyń jaramdylyq deńgeıi týraly naqty málimetter alynǵan soń, kelissózderdiń kelesi kezeńi bastalady», - deıdi ıÝsıfov.

Onyń aıtýynsha, Ázerbaıjanǵa keńestik kezeńnen shamamen 20 kg jylan ýy mura retinde qalǵan. Marmara Trade kompanııasy sol ýdyń 8-10 kelisin satyp alýǵa nıet tanytyp otyr.

Instıtýt dırektorynyń sózine qaraǵanda, halyqaralyq naryqta jylan ýynyń bir gramy 100-500 AQSh dollary shamasynda baǵalanady. Eger kelissózder nátıjesinde ýdyń eksporty júzege asatyndaı bolsa, Ázerbaıjan UǴA Zoologııa ınstıtýtynyń bıologııa jáne medıtsına ǵylymdary bólimi men Ǵylym akademııasy prezıdıýmynda jylan ýyn óndirýdi qalpyna keltirý máselesi kóteriledi.

Aıta keteıik, Ońtústik Kavkaz aýmaǵynda qarasur jylan eń kóp mekendeıtin aımaq Ázerbaıjan bolyp tabylady. Armenııa men Grýzııada olar sırek kezdesedi.