Ázerbaıjan jer silkinisinen zardap shekken Túrkııaǵa kómek kórsetýdi jalǵastyrýda

BAKÝ. QazAqparat – Ázerbaıjan Túrkııadaǵy jer silkinisiniń saldaryn joıýǵa kómek kórsetýdi jalǵastyrýda, dep habarlaıdy QazAqparat tilshisi.

Ázerbaıjan qutqarýshylary jer silkinisi bolǵan aımaqta 51 adamdy qutqaryp, 613 adamnyń denesin shyǵaryp, tıisti organdarǵa jetkizdi.

Elge Ázerbaıjan Tótenshe jaǵdaılar mınıstrliginiń barlyq medıtsınalyq qural-jabdyqtarmen qamtylǵan ekinshi jyljymaly mobıldi aýrýhanasy kelip jetti.

Ótken kúnderi aýrýhanada 215 adamǵa medıtsınalyq qyzmet kórsetildi. Sondaı-aq, 100-den astam ázerbaıjandyq erikti jer silkinisinen zardap shekkenderge kómek kórsetý, gýmanıtarlyq kómek taratý jáne logıstıkany uıymdastyrý úshin Túrkııaǵa attandy.

Ázerbaıjan Memlekettik munaı kompanııasy (SOCAR) Hataı, Adyıaman, Gazıantep, Qahramanmarash jáne Shanlyýrfa provıntsııalaryndaǵy jedel járdem, órt sóndirý jáne basqa da arnaıy kólikterdi benzın jáne dızel otynymen úzdiksiz qamtamasyz etýde. Sonymen qatar, «SOCAR» apat aımaǵynan 373 Ázerbaıjan azamatyn evakýatsııalaýda qoldaý kórsetti.

Kompanııanyń 25 qyzmetkeri, sonyń ishinde úsh dáriger izdeý-qutqarý jumystaryna tikeleı qatysýda. Qaıyrymdylyq aktsııasy aıasynda Ázerbaıjan ABB banki Túrkııadaǵy jer silkinisinen zardap shekken turǵyndarǵa 1 mln manat aýdardy. Qarajat Túrkııa Іshki ister mınıstrligine qarasty Tótenshe jaǵdaılardyń aldyn alý jáne zardaptaryn joıý basqarmasynyń (AFAD) esepshotyna aýdaryldy.

6 aqpanda Túrkııada 7,7 baldyq jer silkinisi boldy. Zilzala oshaǵy Qahramanmarash provıntsııasynyń Pazardjık aımaǵynda 7 shaqyrym tereńdikte boldy. Jer silkinisi eldiń birneshe provıntsııasynda úlken shyǵyn ákeldi. Sońǵy málimet boıynsha, Túrkııada jer silkinisinen zardap shekkender sany 31 643 adamǵa, al jaraqattanǵandar sany 158 168 adamǵa deıin ósti.

Foto: Anadolý Agenttigi