Ázerbaıjan jeke óziniń brendimen smartfon shyǵarady
ASTANA. QazAqparat - Ázerbaıjanda Made in Azerbaijan brendimen smartfon jınalady, dedi Trend CRM Group kompanııasynyń bas dırektory Ramın Súleımanov.
Onyń aıtýynsha, jergilikti jınaqtalatyn alǵashqy smartfon jurtshylyqqa maýsym aıynda usynylady.
«Kúzde bizge bólingen óndiristik alańdar qurylǵylardyń konveıerlik jınaǵyn iske qosýǵa ázir bolady. Tutastaı biz IT-ónimniń 10 túrine jýyǵyn jınaýǵa patenttik quqyq aldyq, onyń ishinde planshettik kompıýterler, noýtbýkter, prınterler bar. Ázerbaıjanda jınalǵan ónim óńirlik naryqtarǵa eksporttalady», - dedi Súleımanov.
CRM Group basshysynyń aıtýynsha, kompıýterlik jáne perıferııalyq jabdyqty retteý 2018 jyldyń basym josparyna kiredi.
«Joǵary tehnologııalyq ónim shyǵarý elde iske asyrylatyn alǵashqy aýqymdy joba bolyp tabylady. Biz muny úlken qadam jáne el ekonomıkasyna quıylǵan ınvestıtsııa dep sanaımyz. Kórshi Túrkııada mysaly, Casper brendimen noýtbýk jınalady. Biz osy tájirıbeni Ázerbaıjanda iske asyrýǵa nıettimiz», - dedi Súleımanov.
