Ázerbaıjan Japonııaǵa alǵashqy munaı tıegen tankerin jiberdi
ASTANA. KAZINFORM — Bul Iran tóńiregindegi jaǵdaı ýshyǵyp ketkennen beri Ázerbaıjannan munaı tıelgen tankerdiń Japonııaǵa alǵash ret kelýi, dep habarlaıdy Japonııanyń qoǵamdyq teledıdary.
Júkti eldegi eń iri janarmaı quıý stantsııalary jelisiniń iri operatorlarynyń biri japondyq ENEOS Holdings kompanııasy satyp aldy.
Japondyq BAQ málimetinshe, keme shamamen 45 myń kılolıtr munaı jetkizgen, bul Japonııanyń kúndelikti tutyný kóleminiń 16%-yna teń. Bul jetkizilim Ormýz buǵazynda keme qatynasyna tónip turǵan qaýip-qaterlerge baılanysty energııamen jabdyqtaýdy ártaraptandyrý saıasatynyń bóligi aıasynda iske asyrylyp otyr.
Japon bıligi buǵan deıin elde jetkilikti munaıdyń strategııalyq qory men balama jetkizý joldary bar ekenin málimdegen bolatyn. Atap aıtqanda, Tokıo Parsy shyǵanaǵy elderinen ımportty keńeıtýdi jáne AQSh-tan satyp alýdy arttyrý múmkindigin qarastyryp otyr.
Budan basqa, naýryz aıynan bastap Japonııa óziniń memlekettik qorynan munaı sata bastady. Іshki naryqqa eldiń 45 kúndik qajettiligin jabýǵa jetkilikti kólem jiberildi. Іshki otyn naryǵyn turaqtandyrý úshin munaı kóterme saýdagerlerge aǵymdaǵy naryqtyq deńgeıgen tómen baǵamen satylyp otyr.
Japondyq Taiyo Oil kompanııasy da bir jylǵa jýyq ýaqyt ishinde alǵashqy reseılik munaı partııasyn satyp aldy. Sahalınnen munaı tıegen tanker Japonııaǵa mamyr aıynyń basynda keldi.
Buǵan deıin Ormýz buǵazy arqyly álemdik munaı saýdasynyń shamamen 20%-y ótetinin jazdyq.
Sondaı-aq Japonııa Ormýz buǵazyna qatysty jaǵdaıǵa baılanysty munaı qoryn paıdalanbaq ekeni habarlandy.
Al Ońtústik Koreıa Qazaqstannan 18 mln barrel munaı satyp almaq.
