Ázerbaıjan vızalardy 3 kún ishinde beretin bolady

BAKÝ. QazAqparat - Ázerbaıjan prezıdenti Ilham Alıevtiń «ASAN Viza» qurý týraly jarlyǵyna sáıkes, aldaǵy ýaqytta vızalardy alý birińǵaı portal arqyly júzege asady.

Bul týraly búgin jýrnalıstterge Ázerbaıjan prezıdenti janyndaǵy áleýmettik ınnovatsııalar jáne turǵyndarǵa qyzmet kórsetý boıynsha memlekettik agenttiginiń tóraǵasy Inam Kerımov málimdedi.
«Ázerbaıjanǵa kelý úshin sheteldik azamattar, týrıstter «ASAN viza» portalynyń qyzmetine júgine alady. Vıza alý úshin memlekettik qurylymdarǵa ótinish jazý mindetti emes. Ony onlaın-rejımde 3 kún ishinde alýǵa bolady» - dedi I.Kerımov.
Onyń sózine qaraǵanda, ÁR SІM azamattaryna elektrondyq vızalar beriletin elderdiń tizimin bekitedi.
«Bul jańa bastama aldaǵy aıda qoldanyla bastaıdy», - dedi I.Kerımov.
Memlekettik agenttiktiń basshysy vızalardy alýdyń ózge joldary da burynǵy kúshinde ekenin aıtty.