Ázerbaıjan TÜRK-AY uıymynyń ýaqytsha tóraǵasy bolyp saılandy
ASTANA. KAZINFORM – Ázerbaıjan Túrki áleminiń Konstıtýtsııalyq ıýrısdıktsııalary konferentsııasynyń (TÜRK-AY) ýaqytsha tóraǵasy bolyp saılandy. Bul týraly Report agenttigi habarlady.
Bul sheshim Ystanbulda ótken TÜRK-AY otyrysynda qabyldandy. Іs-shara barysynda túrki elderiniń konstıtýtsııalyq sottary ókilderi arasynda konstıtýtsııalyq ádilet máseleleri boıynsha pikir almasyldy.
Aıta keteıik, Qazaqstan Respýblıkasynyń Konstıtýtsııalyq Soty 2023 jyly osy uıymnyń III otyrysyn Astanada ótkizgen bolatyn. Oǵan Qazaqstan, Qyrǵyzstan, Ózbekstan, Túrkııa jáne Ázerbaıjan elderiniń konstıtýtsııalyq sottarynyń ókilderi qatysty.
Otyrys barysynda jańartylǵan formattaǵy QR Konstıtýtsııalyq Sotynyń Túrki áleminiń Konstıtýtsııalyq ıýrısdıktsııalary konferentsııasyna qosylýy týraly aktige qol qoıylǵan edi.
Sonymen qatar, Qazaqstan men basqa qatysýshy memleketterdiń konstıtýtsııalyq baqylaý organdary arasynda ózara túsinistik týraly birneshe memorandýmdarǵa qol qoıylǵan.
Aıta keteıik, Túrki memleketteri ózara taýar aınalymyn arttyrý múmkindigin zerdelep jatyr.