Ázerbaıjan Tramp komandasyna USAID-tiń zańsyz áreketteri týraly faktilerdi beredi

ASTANA. KAZINFORM – Baký AQSh prezıdenti Donald Tramptyń ákimshiligine AQSh halyqaralyq damý agenttiginiń (USAID) respýblıka aýmaǵyndaǵy zańsyz qyzmeti týraly faktilerdi tapsyrady. Bul týraly Ázerbaıjan prezıdenti Ilham Álıev málimdedi, dep jazady TASS.

– Qazir bizdiń Bas prokýratýra USAID-tiń zańsyz qyzmetin tergep jatyr, maǵan aldyn ala tergeý týraly habar berildi. Onyń nátıjeleri uıymnyń Ázerbaıjanǵa qarsy áreketteriniń aýqymyn, úkimet jumysyna kedergi keltirý áreketterin jáne bizdiń ishki isterimizge aralasý nıetin kórsetip otyr. «Papka» daıyn bolǵannan keıin ony Tramp ákimshiligine usynatyn bolamyz, sonda olar jemqorlyqqa jol bergen USAID jáne onyń jemqor basshylaryna qarsy naqty sharalar qoldana alady, – dedi Álıev Bakýdaǵy «Jańa álemdik tártipke qaraı» halyqaralyq forýmynda.

Aıta keteıik, buǵan deıin USAID-tyń barlyq qyzmetkeri 30 qyrkúıekke deıin jumystan bosatylatyny habarlandy.

Qazaqstan AQSh-tyń halyqaralyq damý agenttiginen (USAID) 2024 jyly elimizdi qarjylandyrýǵa 10 mıllıon dollardan az qarajat alǵan.

AQSh-tyń memlekettik hatshysy Marko Rýbıo X áleýmettik jelisinde USAID jumysyn qorytyndylaý barysynda 83% baǵdarlamany toqtatý jóninde sheshimge kelgenin jazdy. Qalǵan bóligi memlekettik departament quramyna kiretini aıtylǵan.

Tramp ákimshiligi USAID kelisimsharttarynyń 90%-yn 60 mıllıard dollarǵa qysqartady.