Ázerbaıjan Soltústik-Ońtústik halyqaralyq kólik dáliziniń mańyzdy bóligi bolmaq
ASTANA. KAZINFORM — Ázerbaıjan Soltústik-Ońtústik halyqaralyq kólik dálizin iske asyrýdy qoldaıdy jáne bul jobany aımaqtaǵy kólik ınfraqurylymyn damytýdyń bolashaǵy bar baǵyttarynyń biri retinde qarastyrady. Reseı prezıdenti Vladımır Pýtın «Valdaı» halyqaralyq pikirtalas klýbynyń plenarlyq otyrysynda osyndaı málimdeme jasady, dep habarlaıdy Kazinform agenttiginiń menshikti tilshisi.
— Marshrýttyń bir bóligi Ázerbaıjan arqyly ótýi kerek ekenin atap ótkim keledi. Ázerbaıjan bul jobany iske asyrýǵa kelisedi jáne ony perspektıvaly joba dep sanaıdy, — dedi RF prezıdenti.
Pýtınniń aıtýynsha, Reseı tarapy jobaǵa qajetti nesıelik resýrstardy bólýge daıyn.
— Soltústik-Ońtústik halyqaralyq kólik dálizine nesıelik resýrstardy bólýge daıynbyz. Bizde qajetti qarjylyq resýrstar bar, — dedi ol.
Vladımır Pýtın sonymen qatar qazirgi kezeńde Iran tarapy jumystyń ózine tıesili bóligin aıaqtaýy kerek, atap aıtqanda, baǵdar ótetin jer ýchaskelerin satyp alýdy qamtamasyz etýi kerek dep málimdedi.
Soltústik-Ońtústik halyqaralyq kólik dálizi Reseı, Iran jáne Ońtústik Azııa elderi arasyndaǵy kólik baılanysyn qamtamasyz etýge arnalǵan. Ázerbaıjan bóligi marshrýttaǵy negizgi býyn bolyp sanalady.
Eske sala keteıik, Baký keme jasaý zaýytynda Qazaqstannyń konteıner tasymaldaıtyn kemesi jasalyp jatyr.
Qazaqstanda konteınerlik tasymal kólemi turaqty ósim kórsetip keledi.
