Ázerbaıjan sheteldikterden COVID-pasportyn talap etedi
BAKÝ. QazAqparat – Ázerbaıjanǵa ushyp keletin sheteldikterde koronavırýsqa vaktsınatsııa jóninde pasporty bolýy kerek. Bul týraly «Koronavırýs pandemııasy (COVID-19) kezeńinde Ázerbaıjan Respýblıkasynda áýe kóligimen ushýdy jáne jolaýshylardy tasymaldaýdy uıymdastyrý jónindegi ýaqytsha erejelerge» el úkimeti engizgen ózgeristerde aıtylǵan, dep habarlaıdy QazAqparat tilshisi.
Túzetýge sáıkes, 18 jastan asqan sheteldikter men azamattyǵy joq tulǵalar (onyń ishinde ýaqytsha/turaqty turýǵa ruqsaty bar sheteldikter) reıske tek COVID-19 vaktsınatsııasyn rastaıtyn qujat (kovıd pasporty) nemese ushýǵa deıin 72 saǵat buryn jasalǵan koronavırýsqa teris PTR testi bolǵan kezde ǵana jiberiledi.
Aıta ketý kerek, búgingi tańda Ázerbaıjanda tórt vaktsına qoldanylýda: CoronaVac, Sputnik V, Astra Zeneca, Pfizer.
Ázerbaıjannan ushatyn jolaýshylarǵa koronavırýsqa PTR-test tapsyrý týraly talapty tasymaldaýshy mejeli pýnktide belgilengen erejelerge sáıkes retteıdi.
