Ázerbaıjan shekarasy arqyly Irannan 6 qazaqstandyq evakýatsııalandy
Irannan evakýatsııalanǵandar úshin barlyq qajetti jaǵdaı jasalǵan. Sonyń ishinde medıtsınalyq qyzmet kórsetý, tańǵy as jáne taǵy da basqa qyzmet túrleri bar. Adamdar tańǵy asty shekara beketinde de ishe alady.
Shekarada evakýatsııalanǵandardy Qazaqstan elshiliginiń qyzmetkerleri kútip alyp, Bakýge alyp ketti.
Evakýatsııa jumysy jalǵasyp jatyr.
Birneshe memleket Ázerbaıjan tarapynan Irandaǵy óz azamattaryn keıinnen evakýatsııalaý maqsatynda Ázerbaıjan aýmaǵy arqyly elge qaıtarýǵa kómektesýdi surady.
Ázerbaıjan gýmanızm qaǵıdattaryn basshylyqqa ala otyryp, joǵaryda atalǵan adamdar tobynyń Astara shekara beketi arqyly ótýine qajetti jaǵdaı jasady.
Eske salaıyq, jumaǵa qaraǵan túni Izraıl Iran aýmaǵyna jappaı soqqy jasady. Bul shabýyldyń saldarynan Islam revolıýtsııasy saqshylar korpýsynyń (KSIR) birqatar joǵary laýazymdy komandıri men ıadrolyq fızıka salasyndaǵy ǵalymdar qaza tapty. Iran sondaı-aq Natanz qalasyndaǵy ıadrolyq nysannyń zaqymdanǵanyn rastady, biraq radıatsııanyń taralý faktisin joqqa shyǵardy.
Sondaı-aq Iran Izraılge zymyran atyp, elde áýe dabyly jarııalanǵanyn jazǵanbyz.
Keıinnen Irannyń zymyran shabýylynan 21 adam zardap shekkeni belgili boldy.
Buǵan deıin Qazaqstan Taıaý Shyǵys elderine áýe keńistigin japqany anyqtaldy.