Ázerbaıjan shekarany jabýdy 31 mamyrǵa deıin uzartty

BAKÝ. QazAqparat — Ázerbaıjan úkimeti janyndaǵy jedel shtab respýblıkada elden kirý/shyǵýǵa qoıylǵan shekteý merzimin 31 mamyrǵa deıin uzartty, dep habarlaıdy QazAqparattyń menshikti tilshisi.

Habarlamada aıtylǵandaı, Ázerbaıjan shekarasynan ótetin júk tasymaly men charterlik reısterden basqa barlyq kólik túrlerine qoıylǵan shekteý merzimi 2020 jyldyń 31 mamyryna deıin uzartylatyny týraly sheshim qabyldandy.

Mundaı sheshim pandemııaǵa baılanysty álemdegi jaǵdaıǵa taldaý júrgizý nátıjesinde jáne Ázerbaıjan aýmaǵynda vırýstyń keń taralýynyń aldyn alý maqsatynda qabyldanyp otyr.

Foto: report.az