Ázerbaıjan Reseıge jumyrtqa jetkizip turady

19 jeltoqsanda «ıArag-Gazmalar» ótkizý pýnkti arqyly Ázerbaıjannan Reseıge 36 tonna (612 dana) kóleminde jumyrtqanyń alǵashqy toby jiberildi. Bul týraly Trend.az Ázerbaıjan Respýblıkasynyń Azyq-túlik qaýipsizdigi agenttigine silteme jasap málim etti, dep habarlaıdy Kazinform.

Ázerbaıjannan Reseı naryǵyna jumyrtqa jóneltý týraly sheshimdi Rosselhoznadzor basshysy Sergeı Dankvert qarashada Ázerbaıjanǵa issaparmen barǵan kezde Ázerbaıjan Respýblıkasy Azyq-túlik qaýipsizdigi agenttigi tóraǵasy Goshgar Tahmazlımen kelissóz júrgize otyryp birlesip qabyldady.

Reseıge Ázerbaıjannan qus sharýashylyǵy ónimderin (ásirese jumyrtqa) eksporttaý týraly kelisimge Ázerbaıjanda qus sharýashylyǵy ónimderi qaýipsizdigin baqylaý júıesi halyqaralyq standarttarǵa saı ekendigi sebep bolǵany aıtylǵan.

Ótken aptada Reseıge taýyq jumyrtqasyn túrik kompanııalary da eksporttaı bastady. Rosselhoznadzor RF-da jumyrtqa baǵasy qymbattap ketkendikten, Túrkııanyń 21 mekemesine jetkizýge ruqsat berdi.