Ázerbaıjan Prezıdenti Halyqaralyq túrki akademııasynyń basshysyn qabyldady

BAKÝ. QazAqparat - Ázerbaıjan Prezıdenti Ilham Álıev Bakýde Halyqaralyq túrki akademııasynyń basshysy Darhan Qydyrálini qabyldady, dep habarlaıdy «QazAqparat» HAA tilshisi.

Darhan Qydyráli Ázerbaıjan basshysyn Halyqaralyq túrki akademııasynyń jumysymen tanystyryp, uıymnyń aldaǵy josparlary men mindetteri jaıly áńgimeledi. Ilham Álıev Akademııanyń iske asyryp jatqan jobalarynyń mańyzdylyǵyn atap kórsetti.

Buǵan deıin habarlaǵanymyzdaı, Ilham Álıev Halyqaralyq túrki akademııasynyń prezıdenti Darhan Qydyrálige «Dostlýg» («Dostyq») ordenin tabys etti. 

   

foto: trend.az