Ilham Álıev Qazaqstandaǵy Quryltaı saılaýyna qatysty quttyqtaýyn jetkizdi
ASTANA. KAZINFORM — Ázerbaıjan Prezıdenti Ilham Álıev Qazaqstan Prezıdenti Qasym-Jomart Toqaevty jáne Qazaqstan halqyn Quryltaıdyń alǵashqy saılaýynyń sátti ótýimen quttyqtady.
— Qazaqstannyń qoǵamdyq-saıası ómirindegi jańa tarıhı kezeńniń bastalýyn bildiretin bul mańyzdy oqıǵa elińizdiń jan-jaqty damýyna, Siz júzege asyryp jatqan aýqymdy reformalardyń jalǵasýyna jáne aldaǵy mindetterdiń oryndalýyna qyzmet etetinine senimdimin. Quryltaı jumysyna tabys tileımin, — dedi Ilham Álıev.
Prezıdent ortaq tamyr, ulttyq-rýhanı qundylyqtar jáne baýyrlastyq baılanystar biriktiretin Qazaqstanmen qarym-qatynasty damytý Ázerbaıjan úshin aıryqsha mańyzǵa ıe ekenin aıtty.
— Sizben júrgizilgen belsendi ári nátıjeli saıası dıalog Ázerbaıjan-Qazaqstan strategııalyq seriktestigin odan ári nyǵaıtýǵa jáne ony jańa mazmunmen tolyqtyrýǵa serpin berdi. Myqty irgetasqa negizdelgen Ázerbaıjan-Qazaqstan dostyq qarym-qatynasy men strategııalyq seriktestigi birlesken kúsh-jigerimizdiń arqasynda halyqtarymyzdyń ıgiligi úshin odan ári órkendep, tereńdeı beretinine senemin. Sizge zor densaýlyq, baqyt jáne joǵary memlekettik qyzmetińizde jańa jetistikter, al baýyrlas Qazaqstan halqyna turaqty beıbitshilik, amandyq pen órkendeý tileımin, — dep quttyqtaýyn jetkizdi ol.
Budan buryn Sadyr Japarov Qasym-Jomart Toqaevty Quryltaı saılaýynyń sátti ótýimen quttyqtaǵan edi.
