Ázerbaıjan prezıdenti Ilham Álıev Qazaqstanǵa keledi
ASTANA. KAZINFORM – Qazan aıynda Ázerbaıjan prezıdenti Ilham Álıev Qazaqstanǵa memlekettik saparmen kelýi múmkin, dep habarlaıdy Kazinform QR Prezıdentiniń keńesshisi-baspasóz hatshysy Rýslan Jeldibaıǵa silteme jasap.
– Bul másele jaqynda eki memleket basshylarynyń telefon arqyly sóılesýinde kóterildi. Qazirgi ýaqytta taraptar sapardyń naqty merzimi men onyń mazmunyn talqylap jatyr, - delingen habarlamada.
Byltyr Prezıdent Qasym-Jomart Toqaev Ázerbaıjanǵa memlekettik saparmen barǵan bolatyn. Onda eki eldiń kóshbasshylary ekijaqty yntymaqtastyqty strategııalyq seriktestik deńgeıine kóterip, eki memlekettiń odaqtastyq qarym-qatynastaryn nyǵaıtqan mańyzdy qujattarǵa qol qoıdy.
Eske sala keteıik, buǵan deıin Prezıdent Qasym-Jomart Toqaev Vashıngtonda Ázerbaıjan men Armenııa elderi arasynda qol qoıylǵan kelisimdi tarıhı jetistikke balaǵanyn jazǵan edik.