Ázerbaıjan Prezıdenti Fızýlıde shyǵarmashylyq ortalyǵyn salyp jatqan Qazaqstanǵa alǵys aıtty
Ázerbaıjan Prezıdenti Ilham Álıev Fezýlı qalasynda shyǵarmashylyq ortalyǵyn salyp jatqan Qazaqstanǵa rızashylyǵyn bildirdi, dep habarlaıdy Kazinform.
«2026 jyldyń sońyna qaraı 140 myńnan astam adam Qarabaq pen Shyǵys Zangezýrǵa oralady. Osy oraıda Fezýlı qalasynda mektep salyp bergen Ózbekstan Prezıdenti Shavkat Mırzıeevke taǵy bir márte rızashylyǵymdy bildirgim keledi. Osy mekteptiń ashylýyna ekeýimizdiń qatysqanymyz esimde», - dedi Ázerbaıjan Prezıdenti Aqordada ótip jatqan Túrki memleketteri uıymynyń H sammıtinde.
Sonymen qatar ol Qazaqstan Prezıdentine de jyly lebizin jetkizdi.
«Qazaqstan Prezıdenti Qasym-Jomart Toqaevqa da Qazaqstannyń Ázerbaıjanǵa shyǵarmashylyq ortalyǵyn syıǵa tartqany úshin zor rızashylyǵymdy bildiremin. Bul ortalyq qazirgi ýaqytta Fızýlı qalasynda salynyp jatyr. Munyń bári bizdiń dostyǵymyzdy, Ázerbaıjan men Ózbekstan, Ázerbaıjan men Qazaqstan halyqtary arasyndaǵy baýyrlastyqty bildiredi. Biz — uly Túrki álemniń bir bóligimiz jáne dostyǵymyz ben baýyrlastyǵymyz tek jalǵasa beretinine senimim mol», — dedi Ilham Álıev.
