Ázerbaıjan parlamenti medıtsınalyq maska taqpaǵandarǵa salynatyn aıyppuldy bekitti
BAKÝ. TREND – QazAqparat - Mıllı Medjlıstiń kezekten tys sessııasyndaǵy búgingi otyrysta koronavırýs pandemııasy kezinde medıtsınalyq maska taqpaǵandarǵa aıyppul salý máselesi talqylandy, dep habarlaıdy QazAqparat Trend-ke silteme jasap.
Osyǵan baılanysty úshinshi oqylymda Ákimshilik áreketter týraly kodekske túzetý engizý talqylaýǵa shyǵaryldy. Ózgeriske sáıkes, jeke qorǵanys quraldaryn paıdalanýǵa baılanysty tıisti atqarýshy bılik organy belgilegen talaptardy buzǵany úshin, sondaı-aq laýazymdy tulǵalardyń osy talaptardy buzýdyń jolyn kespegeni úshin jeke tulǵalarǵa - 50 manat, laýazymdy tulǵalarǵa – 100 manat (24 135 teńge), zańdy tulǵalarǵa - 200 (48 270 teńge)manat kóleminde aıyppul salynady.
Karantın rejımi aıaqtalǵanǵa deıin osy erejeni qaıta buzǵan adamdar - 100 manat, laýazymdy tulǵalar – 200 manat, zańdy tulǵalar – 400 manat aıyppul tóleıdi.
Ózgeris talqylaýdan keıin daýys berýge shyǵarylyp, qabyldandy.
