Ázerbaıjan munaıy arzandady

ASTANA. KAZINFORM - Italııanyń Aýgýsta portynda 15 qańtarda ázerbaıjandyq Azeri Light markaly munaıdyń baǵasy aldyńǵy kórsetkishpen salystyrǵanda $1,04 tómendep, barreline $83 qurady, dep habarlaıdy seısenbi kúni Trend eldiń munaı-gaz naryǵyndaǵy derekkózge silteme jasap. 

Túrkııanyń Djeıhan portyndaǵy FOB bazasynda Azeri Light markaly munaıdyń baǵasy barreline 1,18 dollarǵa tómendep, 81,05 dollardy qurady.

URALS munaıynyń baǵasy aldyńǵy kórsetkishpen salystyrǵanda 1,06 dollarǵa tómendep, barreline 60,21 dollardy qurady.

Soltústik teńizde óndiriletin Dated Brent markaly munaı barreliniń baǵasy 15 qańtarda aldyńǵy kórsetkishpen salystyrǵanda 0,56 dollarǵa arzandap, barreline 79,55 dollardy qurady.

16 qańtardaǵy resmı aıyrbastaý baǵamy 1,7 AZN/1 dollardy qurap tur.