Ázerbaıjan men Tájikstan vızalyq tártibi jeńildetilgen elderdiń bestigine endi
ASTANA. QazAqparat - Belgili brıtandyq týrıstik Wanderlust (Wanderlust tourist magazine) jýrnaly vızasy ońaı jolmen alynatyn elderdiń reıtıngin jarııalady. Vızalyq tártibi jeńildetilgen elderdiń TOP-5-tigi qataryna Ázerbaıjan men Tájikstan kirdi, dep habarlaıdy «Hovar» agenttigi.
Reıtıng basynda Ázerbaıjan, odan keıin Kambodja, Shrı-Lanka jáne Tájikstan ornalasqan. Vızasy óte qarapaıym alynatyn elderdiń bestigin Vetnam aıaqtaıdy.
Agenttik málimetinshe, reıtıng avtorlary Tájikstanda byltyrǵy jyly ótinish berý protsesin jeńildetetin elektrondy vıza tártibi engizilgendigine nazar aýdarǵan.
Ótinish berý úshin sheteldik tólqujattyń kóshirmesin jiberý jetkilikti. Vıza 1-3 kún ishinde beriledi. «Qarapaıym ári jeńil, solaı bolýy kerek», - delingen Wanderlust travel materıalynda.
Tájikstanda vıza quny (barlyq elderge birdeı) - 50 dollar.
