Ázerbaıjan men Ózbekstan memleketaralyq qujat aınalymy keshenin engizýdi qarastyryp jatyr

ASTANA. KAZINFORM – Ázerbaıjan men Ózbekstan memleketaralyq qujat aınalymyna arnalǵan «EDO.IJRO.UZ» keshenin engizýdi qarastyryp jatyr, dep habarlaıdy Trend.az. 

Trend málimetinshe, bul qural eki eldiń memlekettik vedomstvolary arasyndaǵy qujat aınalymyn basqarý úshin paıdalanylyp, ákimshilik tapsyrmalardyń tıimdiligi men jedeldiligin aıtarlyqtaı arttyrady.

Ózbekstanda IT-qyzmet kórsetý salasy belsendi damyp keledi jáne kompanııalar sany 1600-ge deıin ósti. 2023 jyldyń sońynda Ázerbaıjandaǵy aqparat jáne kommýnıkatsııa kásiporyndary 3,206 mlrd manat somasyna (ósim 16,3 paıyz) qyzmet kórsetti.

Kazinform agenttigi úshin arnaıy Trend.az seriktes agenttigi usynǵan.