Ázerbaıjan men Qytaı vızasyz rejım týraly kelisimge qol qoıdy
ASTANA. KAZINFORM – Ázerbaıjan men Qytaı ózara vızasyz rejım engizý týraly kelisimge qol qoıdy. Kelisim eki el úkimeti ishki ratıfıkatsııa rásimderin aıaqtaǵannan keıin kúshine enedi. Bul týraly Lianhe Zaobao basylymy habarlady.
Belgili bolǵandaı, 23 sáýir kúni Beıjińde Qytaı Syrtqy ister mınıstri Van I men Ázerbaıjan Syrtqy ister mınıstri Jeıhýn Baıramov “Qytaı Halyq Respýblıkasynyń Úkimeti men Ázerbaıjan Respýblıkasynyń Úkimeti arasyndaǵy kádimgi pasport ıelerin ózara vızadan bosatý týraly kelisimge” qol qoıdy.
Aıta keteıik, Ázerbaıjan Prezıdenti Ilham Álıev qazirgi ýaqytta memlekettik saparmen Qytaıda júr.
Sondaı-aq, sársenbi kúni QHR Tóraǵasy Sı Tszınpın men Ilham Álıev Beıjińde kezdesip, Qytaı – Ázerbaıjan qatynasyn «jan-jaqty strategııalyq áriptestik» deńgeıine kóteretinin málimdedi.
Buǵan deıin Ázerbaıjannyń Qytaımen qorǵanys salasy boıynsha dıalogty bastaǵany týraly jazyp edik.