Ázerbaıjan men Qazaqstan tranzıttik júk tasymalyn damytpaqshy

BAKÝ. AZERTADJ - QazAqparat – Quramynda Aqtaý jáne Quryq porttarynyń basshylary bar Indýstrııa jáne ınfraqurylymdyq damý mınıstri Marat Qarabaev bastaǵan Qazaqstan delegatsııasy senbi kúni Baký halyqaralyq teńiz saýda portyna bardy, dep habarlaıdy QazAqparat AZERTADJ-ǵa silteme jasap.

AZERTADJ málimetinshe, taraptar tranzıttik júk tasymaldaý kólemin arttyrý máselelerin talqylady. Turaqty saýda aǵynyn qamtamasyz etý, mańyzdylyǵy jyldan jylǵa artyp kele jatqan joba - Orta dáliz aıasynda júıeli baılanystar ornatý, sondaı-aq ekologııalyq turaqtylyqty qamtamasyz etý máseleleri sııaqty taqyryptar basty nazarda boldy.

Aıta keteıik, osy jyldyń jeti aıynda Baký porty arqyly Qazaqstan porttarynan júk tasymaldaý kólemi 15 paıyzǵa ósti.