Ázerbaıjan men Qazaqstan bir-biriniń ınfraqurylymyn tolyqtyrýy tıis – Ilham Álıev

ASTANA. QazAqparat – Ázerbaıjan men Qazaqstan bir-biriniń ınfraqurylymyn tolyqtyrýy tıis. Mundaı pikirdi búgin Aqordada Memleket basshysy Qasym-Jomart Toqaevpen kelissózderden keıingi BAQ ókilderine arnalǵan brıfıngte Ázerbaıjan Prezıdenti Ilham Álıev aıtty, dep habarlaıdy QazAqparat tilshisi.

«Sonymen qatar biz ónerkásiptik kooperatsııamen baılanysty máselelerdi de talqyǵa saldyq. Eksporttyq-ımporttyq operatsııalar tizilimin, onyń ishinde eksporttyq-ımporttyq áleýetti odan ary júzege asyrýǵa arnalǵan tapsyrystardy keńeıtý máseleleri bar», - dedi Ilham Álıev.

Onyń atap ótýinshe, eki eldiń arasyndaǵy taýar aınalymyn arttyrýǵa qatysty tsıfrlardy shynaıy túrde júzege asyrýǵa bolatyndyǵyn basa aıtty.

«Árıne, biz bir-birimizdiń ınfraqurylymyzdy, ónerkásiptik áleýetimizdi tolyqtyra túsýimiz qajet. Bir-birimizge jetkizý arqyly taýar aınalymyn arttyra alamyz. Búgin ortamerzimdi keleshekte taýar aınalymymyzdy 1 mlrd dollarǵa jetkizý týraly tsıfr jarııa etildi. Menińshe, muny qol jetkizilgen ýaǵdalastyqtar aıasynda tolyqtaı júzege asyrýǵa bolady. Oǵan qysqa ǵana ýaqyttyń ishinde qol jetkize alamyz dep oılaımyn. Eń bastysy yntymaqtastyqty nyǵaıtýǵa ortaq óte pozıtıvti nıet bar», - dedi Ázerbaıjan Prezıdenti.