Ázerbaıjan men Iran memlekettik shekara arqyly júk tasymalyn qaıta bastady
ASTANA. KAZINFORM – Ázerbaıjan Respýblıkasy men Iran Islam Respýblıkasy arasyndaǵy memlekettik shekara arqyly júk tasymaly 9 naýryzdan bastap eki baǵytta da qalpyna keltirildi, dep habarlaıdy Kazinform agenttiginiń menshikti tilshisi Ázerbaıjan Mınıstrler Kabınetine silteme jasaı otyryp.
– Saǵat 10:00-den bastap memlekettik shekara arqyly júk tasymaldaýǵa arnalǵan barlyq kólik túriniń kirýi jáne shyǵýy, sonyń ishinde tranzıttik tasymal qalpyna keltirildi, - delingen Ázerbaıjan Mınıstrler Kabınetiniń málimdemesinde.
Aıta keteıik, 5 naýryzda Ázerbaıjan Mınıstrler Kabınetin Iranmen memlekettik shekara arqyly júk tasymalyn ýaqytsha toqtatty.
Bul sheshim Nahchyvanǵa dronmen jasalǵan shabýyldan týyndaǵan jaǵdaıǵa baılanysty qabyldandy, ol Irannan shyqqan bolýy múmkin.
Tegeran bul shabýyldarǵa qatysy baryn joqqa shyǵardy.
Iran prezıdenti Masýd Pezeshkıan Ázerbaıjan prezıdentimen telefon arqyly sóılesýinde Irannyń Ázerbaıjan anklavyn atqylaýǵa qatysy joq ekenin málimdedi jáne oqıǵany tergeýdiń mańyzdylyǵyn atap ótti.
Prezıdent Qasym-Jomart Toqaev ırandyq dronmen jasalǵan shabýylǵa qatysty óz ustanymyn jarııalady.
Keıinirek Ilham Álıev Memleket basshysyna Ázerbaıjan áýejaıyna jasalǵan shabýyldardy aıyptaǵany úshin alǵys aıtty.