Ázerbaıjan men Iran kemelerine qyzmet kórsetý ýaqytsha toqtatylmaq
NUR-SULTAN. QazAqparat - Elimiz porttarynda Ázerbaıjan men Irannan keletin kemelerge qyzmet kórsetý ýaqytsha toqtatylady, dep habarlaıdy QazAqparat.
QR Indýstrııa jáne ınfraqurylymdyq damý mınıstrliginiń málimetinshe, koronavırýstyń taralýynyń aldyn alý maqsatynda bıylǵy 5 naýryzdan bastap osyndaı shara qabyldanyp otyr.
«Ázerbaıjan men Irannan keletin adamdar men avtokólik quraldaryn júrgizýshilermen tasymaldaıtyn teńiz kemelerine Aqtaý jáne Quryq porttarynda qyzmet kórsetýdiń ýaqytsha toqtatylady», - delingen vedomstvo habarlamasynda.
Sonymen qatar, sheteldik júk kemeleriniń ekıpajdary úshin Aqtaý jáne Quryq porttarynda kemelerden shyǵýǵa shekteý qoıylady.
«Sanıtarlyq-epıdemıologııalyq qyzmetter halyqaralyq tasymaldardy júzege asyratyn qazaqstandyq kemeler ekıpajdarynyń músheleri porttarda aýysqan kezde olarǵa baqylaýdy kúsheıtetin bolady. Qabyldanatyn sharalar týraly aqparat Kaspıı mańy memleketteriniń teńiz ákimshilikterine jetkiziledi», - dep túsindirdi mınıstrlik ókilderi.
