Ázerbaıjan men Armenııa shekaradaǵy delımıtatsııalaý jumystaryn júrgizý tártibin kelisti
ASTANA. KAZINFORM – Shekarany delımıtatsııalaý komıssııalarynyń 11-shi otyrysynyń qorytyndysy boıynsha Armenııa men Ázerbaıjan aldaǵy mejeleý jumystaryn júrgizý úshin memleketaralyq shekara ýchaskeleriniń tártibin kelisti. Bul týraly Armenııa Syrtqy ister mınıstrligi habarlaıdy.
16 qańtarda Armenııa men Ázerbaıjan shekarasynda shekarany delımıtatsııalaý komıssııalarynyń basshylary Armenııa premer-mınıstriniń orynbasary Mger Grıgorıan men Ázerbaıjan premer-mınıstriniń orynbasary Shahın Mustafaevtyń kezdesýi ótti. Armenııa SІM habarlaǵandaı, taraptar memleketaralyq shekaranyń soltústik bóliginde delımıtatsııalaýdy bastaý týraly kelisimge keldi.
— Taraptar odan ári delımıtatsııalaý jumystaryn júrgizý úshin shekara syzyǵynyń ýchaskeleriniń/bólikteriniń tártibi týraly másele boıynsha pikir almasýdy jalǵastyrdy jáne memlekettik shekarany soltústik ýchaske — Armenııa Respýblıkasy, Ázerbaıjan Respýblıkasy jáne Grýzııa shekaralarynyń túıisken jerinen jáne odan ári ońtústik baǵytta — soltústikten ońtústikke qaraı, Armenııa Respýblıkasy men Ázerbaıjan Respýblıkasynyń Iran Islam Respýblıkasymen shekarasyna deıin delımıtatsııalaý boıynsha jumystar keshenin bastaý týraly kelisimge keldi, — delingen Armenııa SІM kezdesý qorytyndysy boıynsha málimdemesinde.
Taraptar sondaı-aq delımıtatsııalaý jumystaryn júrgizý tártibi boıynsha tıisti nusqaýlyqtardyń jobalaryn talqylap, jumys tártibinde kelesi otyrystyń kúni men ornyn belgileýge kelisti.
Armenııa men Ázerbaıjan arasyndaǵy shekara mejelenbegen. 2022 jyly taraptar eki eldiń premer-mınıstrleri orynbasarlarynyń tóraǵalyǵymen shekarany demarkatsııalaý máseleleri boıynsha komıssııalar qurdy.
2024 jylǵy 19 sáýirde Armenııa Respýblıkasy men Ázerbaıjan Respýblıkasy arasyndaǵy shekarany delımıtatsııalaý máseleleri boıynsha elder komıssııalarynyń segizinshi otyrysy ótti. 23 sáýirde Armenııa men Ázerbaıjan shekarasynda alǵashqy shekara baǵany ornatyldy.
2024 jylǵy 23 qazanda Armenııa Ázerbaıjanmen shekarany delımıtatsııalaý jónindegi komıssııalardyń birlesken qyzmeti týraly erejeni ratıfıkatsııalady.