Ázerbaıjan quramasynyń qaqpashysy «Tobylǵa» aýysty
QOSTANAI. QazAqparat - Ázerbaıjandyq qaqpashy Emıl Balaev Qostanaı klýbyna aýysty, dep habarlaıdy QazAqparat.
«Emıl Balaev toǵyz jasynan beri fýtbolmen aınalysady. Alǵashqy kásibı klýby Bakýdiń «Neftchıimen» 2010 jyly kelisimshartqa otyrdy. 2011 jyly qaqpashy «Sýmgaıt» klýbynda jalǵa alyndy, keıin birinshi dıvızıonnan kelgen «Araz-Nahchyvan» komandasynyń namysyn qorǵady», - delingen klýbtyń resmı saıtynda .
Al 2014 jylǵy maýsymda Emıl Maındaǵy Frankfýrtqa, nemistiń «Aıntraht» klýbyna attanyp, eki jyl boıy jumys istedi. Sodan keıin ol mansabyn Agdamnyń «Qarabah» komandasynda jalǵastyrdy.
Qaqpashy Ázerbaıjannyń olımpıadalyq quramasyna iligip, eldiń bas komandasyna shaqyrtý alǵan. Ol «Tobylda» eki jyl dop tebedi.
