Ázerbaıjan Qorǵanys mınıstrligi Qarabah qaqtyǵys aımaǵyndaǵy atys týraly óz ustanymyn bildirdi
ASTANA. QazAqparat - Armenııa ótken táýlik ishinde Qarabah qaqtyǵysy aımaǵynda atysty toqtatý kelisimin 161 ret buzdy. Bul týraly seısenbi kúni Ázerbaıjan Qorǵanys mınıstrliginiń baspasóz qyzmeti málimdedi, dep habarlady ITAR-TASS.
Vedomstvonyń derekterine súıensek, Armenııamen shekaralas Tovýz, Gedabek, Kazaq aýdandarynda ornalasqan Ázerbaıjan áskerlerine, sondaı-aq Taýly Qarabahta áskerler qaqtyǵysqan jelide atys uıymdastyrylǵan.
Ázerbaıjan Qorǵanys mınıstrliginiń habarlaýynsha, sońǵy kúnderi Taýly Qarabah qaqtyǵysy aımaǵynda jaǵdaıdyń shıelenisýine baılanysty 13 áskerı adam qaıtys bolǵan.
Alaıda, bul aqparatqa qatysty Armıanııa tarabynyń óz nusqasy bar.
Budan buryn Erevanda habarlaǵandaı, Armenııa Qorǵanys mınıstrligi atysty toqtatý kelisimin buzǵany úshin Azerbaıjandy aıyptaǵan bolatyn. Ótken túni jáne búgin tańerteń Azerbaıjan taraby Armenııamen memlekettik shekaradaǵy túrli ýchaskelerde atysty toqtatý rejimin qaıta buzdy», - dep jazylǵan vedomstvo málimdemesinde. Sonymen qatar, onda: «Armenııa taraby qarsy tarap qasaqana oq jaýdyrtqan jaǵdaıda ǵana áreketke barady», dep kórsetilgen.
