Ázerbaıjan Konstıtýtsııaǵa ózgerister engizý úshin referendým ótkizbek
BAKÝ. QazAqparat - Ázerbaıjannyń Ortalyq saılaý komıssııasy 28 qyrkúıekke josparlanǵan el Konstıtýtsııasyna ózgerister engizý boıynsha referendýmdy joǵary deńgeıde uıymdastyrý úshin barlyq qajetti is-sharalardy ótkizdi.
Bul týraly OSK tóraǵasy Mazahır Panahov málim etti.
«Barlyq aqparattar dereý OSK-ǵa túsip otyrýy úshin, saılaý ýchaskeleri tehnıkalyq quraldarmen túgel jaraqtaldy. Saılaý barysynda eshqandaı qıyndyqtar týyndamaıdy dep oılaımyn», - dedi ol.
Panahovtyń aıtýynsha, shet elderde saılaýshylar úshin daýys berýge barlyq jaǵdaılar jasalǵan. Ázerbaıjannyń elshilikteri men konsýldyqtarynda saılaý ýchaskeleri ashyldy.
Saılaý barysyn baqylaý úshin OSK-ǵa 35 elden 117 halyqaralyq baıqaýshy akkredıtatsııadan ótken.
Eske salaıyq, Ázerbaıjan Prezıdenti Ilham Alıev 2016 jyldyń 26 qyrkúıegi kúni Konstıtýtsııaǵa ózgerister engizý boıynsha referendým ótkizý týraly qaýlyǵa qol qoıdy.
