Ázerbaıjan Qytaımen qorǵanys salasy boıynsha dıalogty bastady

ASTANA. KAZINFORM – Baký qazirgi tańda bul baǵytty tasymal geografııasy men birlesken óndiris boıynsha qyzyǵýshylyq týdyrýy yqtımal perspektıvti baǵyt dep baǵalap otyr.

-Biz qorǵanys ónerkásibi boıynsha dıalog ornatýdy bastadyq jáne bul perspektıvti úderis bolady dep oılaımyz, sebebi Ázerbaıjan óziniń Qarýly Kúshterin jańartyp jatyr. Árıne, bizge tasymaldar geografııasy men birlesken óndiris qyzyǵýshylyq týdyrady,-dedi Ilham Álıev Bakýde «Jańa álemdik tártipke» atty halyqaralyq forým qatysýshylarymen kezdesýinde.

Ol sózinde Baký men Beıjiń 2024 jyly strategııalyq áriptestik týraly deklaratsııaǵa qol qoıǵanyn atap ótti. Bul ekijaqty qarym-qatynasta óte mańyzdy qadam bolyp tabylady. Sebebi Qytaı sııaqty alyp memleketpen seriktes bolý biz úshin óte mańyzdy, - dedi ol.

I.Álıev sonymen qatar qytaılyq kompanııalar jasyl energetıkany qosa alǵanda túrli baǵyt boıynsha strategııalyq seriktes retinde shaqyrylǵan.

- Olardyń komanııalary qoǵamdyq kólikterdiń ekologııalyq taza quraly retinde seriktes dep dep tańdaldy. Alǵashqy óndiris bıylǵa josparlanyp otyr. Atalǵandarmen qosa, qytaılyq kompanııalar Ázerbaıjanda ózge elderdiń kompanııalarynyń qatysýymen ornalastarylyp jatqan kún panelderin jetkizýshi sanalady.

Sonymen qatar keıbir qytaılyq qompanııalarmen jasyl energetıkaǵa tikeleı ınvestıtsııa boıynsha kelissózder júrgizip jatyrmyz, -dedi memleket basshysy.

I.Álıev sonymen qatar Ázerbaıjannyń Qytaımen birlesip kólik shyǵarý, Orta dálizdi, júk tasymalyn damytý sııaqty salalarda yntymaqtasýǵa qyzyǵýshylyq tanytyp otyrǵanyn atap ótti.

CGTN telearnasyna bergen suhbatynda Ázerbaıjan basshysy Orta dáliz boıynsha júk tasymalynyń aldaǵy 5-6 jylda eselep artatynyna úmit artyp otyrǵanyn atap ótti.

Osyǵan deıin Ázerbaıjannyń Tramp komandasyna USAID-tiń zańsyz áreketteri týraly faktilerdi bergenin habarladyq.