Ázerbaıjan Qazaqstanǵa jylqy etin eksporttamaqshy

BAKÝ. QazAqparat - Ázerbaıjan jylqy etin Qazaqstanǵa eksporttamaqshy. Bul týraly Ázerbaıjannyń aýyl sharýashylyq mınıstriniń orynbasary Seıfaddın Talybov málim etti, dep habarlaıdy «QazAqparat» HAA-nyń menshikti tilshisi.

«Bıyldan bastap Ázerbaıjan janýar tektes dástúrli emes aýyl sharýashylyǵy ónimderin eksportqa shyǵarýǵa kiristi. Biz Moldovamen kelisimge qol qoıdyq, biraq eksportymyzdyń basty baǵyty Qazaqstan bolady. Bul másele halyqaralyq quqyq komıssııasynyń otyrysynda talqylanyp, qazaqstandyq tarappen naqty qadamdardy iske asyrý bastaldy», - dedi S. Talybov.