Ázerbaıjan qazaq astyǵyn satyp ala bastady
ASTANA. QazAqparat - Ázerbaıjan qazaq astyǵyn satyp ala bastady. Bul týraly búgin Qazaqstan men Ázerbaıjan arasyndaǵy ekonomıkalyq yntymaqtastyq jónindegi úkimetaralyq komıssııanyń 15-otyrysy aldynda BAQ ókilderine suhbat bergen Energetıka mınıstri Qanat Bozymbaev aıtty, dep habarlaıdy QazAqparat tilshisi.
«Aǵymdaǵy jyldyń 8 aıynda Qazaqstanmen Ázerbaıjan arasyndaǵy taýar aınalymy ótken jylmen salystyrǵanda 2,1 ese ósti. ıAǵnı, shamamen 168 mln dollardy qurady. 2017 jyly taýar aınalymyn taıaý 2-3 jyldyń ishinde eseleı túsý tapsyrmasy berilgen bolatyn. Degenmen, eger osy úrdis saqtalanatyn bolsa, onda jyldyń sońyna deıin taýar aınalymyn eseleý mindetin merziminen buryn oryndaıtyn bolamyz. Ázerbaıjan tarapynyń qazaqstandyq astyqty satyp alýyn qaıta jolǵa qoıýy da mańyzdy. Ózderińiz de biletindeı, sońǵy ýaqytta qazaqstandyq astyq satyp alynbady desek te bolady. Bul da taýar aınalymynyń ósimine septigin tıgizdi», - dedi QR Energetıka mınıstri. 
Onyń dereginshe, osy jyldyń 8 aıynda Qazaqstan tarapynyń eksporty 2 esege artyp, ımport kólemi de 75-76 paıyzǵa ósim kórsetken. Bul rette Ázerbaıjan tarapy Qazaqstanǵa metall qurylǵylaryn, qubyrlar jetkizedi. Atalǵan jabdyqtar elimizdiń batysynda munaı operatsııalaryna qoldanylady.
«Al biz óz tarapymyzdan aýyl sharýashylyǵy ónimderin, mashına jasaý, munaı ónimderin jetkizemiz. Qazirgi ýaqytta taraptar vagondar men lokomotıvter jetkizý máselesin talqylap jatyr. «Báıterek» búginde bul máseleni qarastyrýda», - dedi Qanat Bozymbaev.
Ázerbaıjan Energetıka mınıstri Pıarvız Shahbazov ta eki eldiń arasyndaǵy taýar aınalymy aǵymdaǵy jyly aıtarlyqtaı óskenin atap ótti. 
«Búgin úkimetaralyq komıssııamyzdyń 15-otyrysy ótip jatyr. Onyń aıasynda ótken jyldyń nátıjelerin qorytyndylaıtyn bolamyz. Qol qoıýǵa nıettenip otyrǵan kólemi ári tolyqqandy qujattarymyzdyń jobasy bar»,- dedi ol.
