Ázerbaıjan Irandaǵy elshilik jumysyn tolyq toqtatty

BAKÝ. QazAqparat – Ázerbaıjandaǵy Irannyń dıplomatııalyq qyzmeti tolyǵymen toqtady. Trend.az jazýynsha, bul týraly jýrnalısterge Ázerbaıjannyń Syrtqy ister mınıstriniń orynbasary Halaf Halafov málimdedi, dep habarlaıdy QazAqparat.

«Elshilikte ákimshilik ǵımarat pen dıplomatııalyq qyzmet múligin kúzetý úshin 5 adam ǵana qalady, biraq olar dıplomatııalyq qyzmet atqarmaıdy», - dep tolyqtyrdy mınıstr orynbasary.

Eske sala keteıik, 2023 jyldyń 27 qańtarynda jergilikti ýaqytpen tańǵy 8:30 shamasynda Iran Islam Respýblıkasyndaǵy Ázerbaıjan elshiligine terrorlyq shabýyl jasaldy.

Shabýyl jasaǵan adam kúzet ornyna avtomatpen oq jaýdyrdy, qaýipsizdik qyzmetiniń basshysy óltirildi, elshiliktiń eki kúzetshisi jaralandy. Qazirgi ýaqytta lańkestik áreket tergelip jatyr.

Buǵan deıin Syrtqy ister mınıstrligi Iranda qaza tapqan Orhan Askerovtiń máıitin Ázerbaıjanǵa jetkizý úshin qajet sharalardy qabyldady. Osy maqsatta Ázerbaıjan ushaq bóldi.

Keshe shamamen 22:00-de Irandaǵy Ázerbaıjan elshiliginen evakýtsııalanǵan qyzmetkerler mingen ushaq Bakýge qondy. Sondaı-aq Bakýge elshilikke jasalǵan shabýyl saldarynan mert bolǵan Orhan Askerovtiń denesi jetkizildi.

Foto: Trend News Agency