Ázerbaıjan III TMD oıyndaryn ótkizýge daıyn

ASTANA. KAZINFORM — TMD elderiniń ІІІ oıyndary ótetin arenalarda daıyndyq jumystary aıaqtalýǵa jaqyn, dep habarlaıdy AZERTADJ.

Sportshylar 12 nysanda 23 sport túrinen baq synaıdy. Oıyndardyń joǵary deńgeıde ótýin jáne komandalarǵa, BAQ ókilderi men kórermenderge jaılylyq qamtamasyz etý úshin barlyq jaǵdaı jasalǵan.

Árbir sport nysanynda aqparat ortalyqtary, BAQ ókilderi jınalatyn pýnktter, baspasóz zaldary men medıtsınalyq bólmeler bar.

Jarysqa daıyndyq barysynda ár sport túriniń ereksheligi eskerilip, halyqaralyq standartqa saı sporttyq jáne basqa da jabdyqtar ornatyldy.

ІІІ TMD oıyndary 28 qyrkúıek pen 8 qazan aralyǵynda Ázirbaıjannyń 7 qalasynda ótedi. Olar Gıandja, Evlah, Mıngıachevır, Gabala, Shekı, Geıgel jáne Hankendı. Ashylý jáne jabylý saltanaty Gıandja qalalyq stadıonynda ótedi. Eki shara da jergilikti ýaqyt boıynsha 19:00-de bastalady.

Buǵan deıin ІІІ TMD oıyndarynyń boıtumary kórsetilgen bolatyn.