Ázerbaıjan halyqaralyq bankindegi qaıta qurylymdaý sharalary enshiles bankterge áser etpeıdi
ASTANA. QazAqparat - Ázerbaıjan halyqaralyq bankiniń valıýtalyq mindettemeleriniń qaıta qurylymdalý úrdisi «MBA-Máskeý» jáne «MBA-Grýzııa» enshiles bankterine áser etpeıdi, dep habarlaıdy trend.az.
«Eki enshiles banktiń sheteldik mindettemeleri joq jáne bul bankter ózderi jumys istep jatqan eldiń barlyq normatıvtik retteý talaptaryn saqtaýda. «MBA-Máskeý» jáne «MBA-Grýzııa» bankteriniń qarjylyq kórsetkishteri Reseı men Grýzııa Ortalyq bankteriniń barlyq talaptaryn aıtarlyqtaı joǵary deńgeıde júzege asyrýda. Eki bank te óz klıentteri aldyndaǵy mindettemelerin adal oryndap keledi», - dep túsindirdi Ázerbaıjan halyqaralyq banki.
Ázerbaıjan halyqaralyq banki 1992 jyldan beri jumys istep keledi jáne eldiń eń iri eki memlekettik bankiniń biri sanalady. «MBA-Máskeý» banki 2002 jyly qurylsa, «MBA-Grýzııa» bankiniń negizi 2006 jyly qalandy.
