Ázerbaıjan halyqaralyq bankin qaıta qurylymdaý jospary bekitildi

ASTANA. QazAqparat - 17 tamyzda Baký qalasyndaǵy Nasımın aýdandyq soty syrtqy qaryz berýshiler aldyndaǵy mindettemelerdi qaıta qurylymdaý josparyn qabyldady, dep habarlady AZERTADJ.

2017 jyldyń 18 tamyzynda Ázerbaıjan halyqaralyq banki kredıtorlarynyń jınalysy ótti. Onda 93,9 paıyz daýyspen qaıta qurylymdaý jospary qabyldandy. Ázerbaıjan Respýblıkasynyń «Bankter týraly zańyna» sáıkes qaıta qurylymdaý josparyn Qarjy naryǵyn qadaǵalaýshy palata qarady.

Aıta ketetin jaıt, 22 tamyzǵa deıin kredıtorlar syrtqy mindettemeler boıynsha bankke talaptary joq ekendigi týraly qujat tapsyrýlary tıis. Qujattardy ótkizgen kredıtorlar usynylǵan qarjy quraldaryn 2017 jyldyń 1 qyrkúıeginen bastap paıdalana alady.