Ázerbaıjan halqynyń sany jyl basynan beri 0,14%-ǵa ósti

ASTANA. KAZINFORM — Bıylǵy jyldyń basynan beri Ázerbaıjan halqynyń sany 14 205 adamǵa (0,14%) ósti, dep habarlaıdy Oxu.az memlekettik statıstıka komıtetine silteme jasap. 

1 maýsymdaǵy jaǵdaı boıynsha eldegi turaqty turǵyndar sany 10 mıllıon 239 myń 94 adamdy qurady.

Respýblıka halqynyń 54,4%-y qalada, 45,6%-y aýylda turady, halyqtyń 49,8%-y — erler, 50,2%-y — áıelder.

Eske sala keteıik, Qazaqstannyń jeti óńirinde halyq sany 1 mln adamnan asady.

Sondaı-aq 2050 jyly Astanada halyq sany 3,5 mln adamǵa jetedi.

Astana kóshi-qon saldosy boıynsha elimizdiń basqa qalalary men óńirlerimen salystyrǵanda birinshi orynda tur. «Eńbek resýrstaryn damytý» AQ sarapshylarynyń boljamynsha, 2050 jyly elorda turǵyndarynyń 47 paıyzyn kóship kelýshiler quraıtyn bolady.