Ázerbaıjan Gran-prıi 2018 jylǵy «Formýla 1» jarysynyń úzdik kezeńi atandy

BAKÝ. QazAqparat - Twitter-degi Formýla 1-diń resmı paraqshasynda júrgizilgen saýalnamanyń qorytyndysy boıynsha, Ázerbaıjannyń Gran-prıi 2018 jylǵy Formýla 1-diń úzdik kezeńi atandy, dep habarlaıdy trend.az.

Qatysýshylardyń 62 % Ázerbaıjannyń Gran-prıine daýys bergen. Ulybrıtanııanyń Gran-prıi 38 % daýyspen ekinshi oryndy qanaǵat tutty.

Aıta keteıik, ústimizdegi jylǵy 27-29 sáýirde Bakýde Formýla 1 Ázerbaıjan Gran-prıiniń jarysy ótken. Gran-prı aıasynda Formýla 2 básekesi de bolǵan-dy.

Birinshilik úshin saıysqa túsken komandalardyń árqaısysyn eki pılot tanystyrdy. Olar synǵa túsken jarys jolynyń uzaqtyǵy alty shaqyrymdy qurady.

Trektiń eń iri bóligi 13 metr boldy, al Ichrısheher aınalasyndaǵy eń tar trektiń jetinshi jáne segizinshi aınalymdary - 7,6 metrdi qurady.

Start jáne fınısh  «Azadlyg» aýmaǵynda boldy.