Ázerbaıjan Frantsııa elshiliginiń eki qyzmetkerin non grata tulǵa dep jarııalady

Bakýdegi Frantsııa elshiliginiń eki qyzmetkeri dıplomatııalyq dárejesine saı kelmeıtin qyzmeti úshin non-grata tulǵa dep tanyldy, olar 48 saǵat ishinde elden ketý kerek. Kazinform bul týraly reseılik TASS agenttigine silteme jasap habarlaıdy.

— 26 jeltoqsanda Ázerbaıjandaǵy Frantsııa elshisi Ann Býaıon syrtqy ister mınıstrligine shaqyryldy. Frantsýz elshisine elshiliktiń eki qyzmetkerin Ázerbaıjan úkimeti dıplomatııalyq dárejesine saı kelmeıtini jáne 1961 jylǵy «Dıplomatııalyq baılanys týraly» Vena konventsııasyna qaıshy keletin áreketi úshin non grata tulǵa dep tanyp, Ázerbaıjan aýmaǵynan 48 saǵat ishinde ketý talap etilgenin jetkizdi, - delingen Ázerbaıjan SІM habarlamasynda.

Onda frantsýz dıplomaty ókildik jetekshisine sáıkes nota tapsyryldy.

23 jeltoqsanda ázerbaıjandyq birqatar BAQ Ázerbaıjanda Frantsııanyń agentýra jelisi áshkere bolǵanyn jazǵan bolatyn.