Ázerbaıjan Erevanda ótetin Evronesttiń plenarlyq otyrysyna qatysýdan bas tartty

ASTANA. QazAqparat - Ázerbaıjan 2015 jyldyń 16-20 naýryz kúnderi Erevanda ótetin Evronesttiń plenarlyq otyrysyna qatysýdan bas tartty, dep habarlady trend.az agenttigi.

Ázerbaıjan delegatsııasynyń basshysy Elhan Sýleımanovtyń aıtýynsha, byltyr Kıev qalasynda ótken Evronest Parlamenti Assambleıasynda Ázerbaıjan delegatsııasy kelesi otyrystyń Erevanda ótýine qarsylyq tanytqan bolatyn.

«Ázerbaıjan jeri azat etilmeıinshe, Sarsang sýqoımasyndaǵy gýmanıtarlyq qater toqtatylmaıynsha Ázerbaıjan delegatsııasy Erevanda ótetin jıynǵa qatyspaıdy dep málimdegenmin», - dedi Sýleımanov.

Onyń aıtýynsha, 16 qazan kúni Brıýsselde ótken bıýro otyrysynda osy máselege baılanysty Ázerbaıjannyń qarsylyq haty da joldandy.