Ázerbaıjan elshiligi qazaq halqynyń qaıǵysyna ortaqtasyp, týyn tómen túsirdi

NUR-SULTAN. QazAqparat - 13 shilde - Qazaqstanda jalpyulttyq aza tutý kúnine baılanysty Ázerbaıjannyń Qazaqstandaǵy elshiligi qazaqstandyqtarǵa kóńil aıtty, dep habarlaıdy QazAqparat.

Bul jóninde elshiliktiń Facebook paraqshasynda habarlandy.

«Qazaqstan Respýblıkasynda 13 shilde - Jalpyulttyq aza tutý kúni bolyp jarııalanýyna baılanysty Ázerbaıjan Respýblıkasynyń Qazaqstandaǵy elshiligi baýyrlas Qazaqstan halqynyń qaıǵysyna ortaqtasyp, kóńil aıtady. Osyndaı qıyn sátte baýyrlas Qazaqstan halqyna qoldaý bildirý maqsatynda elshilik ulttyq týdy tómen túsirgenin málimdeıdi» delingen elshiliktiń habarlamasynda.

Eske sala keteıik, elimizde qalyptasqan ahýalǵa baılanysty halyqqa úndeý jasaǵan QR Prezıdenti Qasym-Jomart Toqaev 13 shilde– Ulttyq aza tutý kúni dep jarııalaıtynyn málim etken bolatyn.

Tıisti ókimge Memleket basshysy 9 shilde kúni qol qoıdy.

Al búgin Memleket basshysy indetten qaza bolǵan azamattardy qurmetpen eske aldy.