Ázerbaıjan áıelderdiń zeınetke shyǵý jasyn taǵy 6 aıǵa uzartty

ASTANA.KAZINFORM — Qaýly 1 shildeden bastap kúshine endi, áıelderdiń zeınetke shyǵý jasy endi 64 jas 6 aıdy quraıdy, dep habarlaıdy Kazinform tilshisi.  

«Eńbek zeınetaqysy týraly» Zańnyń 7-babyna sáıkes, keminde 25 jyl saqtandyrý ótili bar áıelderdiń eń joǵary jasy 2017 jylǵy 1 shildeden 2027 jylǵy 1 shildege deıin jyl saıyn alty aıǵa artady.

Áıelderdiń zeınetke shyǵý jasy sońǵy ret 2024 jyldyń 1 shildesinde alty aıǵa, ıaǵnı 64 jasqa ulǵaıtyldy.

2021 jyldyń 1 shildesinen bastap keminde 25 jyl saqtandyrý ótili bar erlerdiń zeınetke shyǵý jasy 65 jasqa deıin ulǵaıtyldy.

Áıelderdiń zeınetke shyǵý jasy da 2027 jyldyń 1 shildesine deıin 65 jasty quraıdy.

Buǵan deıin Ázerbaıjanda járdemaqy men zeınetaqy mólsheri ósetinin jazǵan edik.