Ázerbaıjan Astanaǵa Qarabaq jylqysynyń músinin syıǵa tartty
ASTANA. KAZINFORM — Astanada Azııadaǵy ózara is-qımyl jáne senim sharalary jónindegi keńestiń (AÓSShK) shtab-páterinde Qarabaq jylqysynyń músini tanystyryldy. Ony Ázerbaıjan uıymǵa tóraǵalyq etken kezeńde Qazaqstanǵa syıǵa tartqan. Músin AÓSShK jylyna oraı shtab-páter aýmaǵyna ornatyldy, dep habarlaıdy Kazinform agenttiginiń menshikti tilshisi.
Іs-sharaǵa AÓSShK Bas hatshysy Qaırat Sarybaı men Ázerbaıjannyń Qazaqstandaǵy elshisi Alımırzamın Askerov qatysty.
Alımırzamın Askerov Qarabaq jylqysynyń Ázerbaıjannyń ulttyq mádenı murasynda aıryqsha orny bar ekenin atap ótti. Onyń sózinshe, bul jylqy batyldyq pen adaldyqtyń sımvoly sanalady.
Qaırat Sarybaıdyń aıtýynsha, Qarabaq jylqysynyń músini AÓSShK-ge qatysýshy elder tartý etken óner týyndylarynyń qatarynan oryn alady. Uıymnyń shtab-páterindegi mundaı mádenı nysandar Azııa elderiniń san alýandyǵyn kórsetip, memleketter arasyndaǵy ózara túsinistik pen baılanysty nyǵaıtýǵa yqpal etedi.
AÓSShK shtab-páteri Astana qalasynda ornalasqan. Uıym quramyna 28 memleket kiredi.
Buǵan deıin Ilham Álıev ІІІ Shýsha jahandyq medıaforýmynda sóılegen sózinde Qazaqstan men Ázerbaıjan arasyndaǵy baılanystardyń qarqyndy damyp kele jatqanyn atap ótken edi. Onyń aıtýynsha, eki eldiń yntymaqtastyǵy azat etilgen aýmaqtardy qalpyna keltirýden bastap, iri kólik, energetıka jáne tsıfrlyq jobalardy júzege asyrýǵa deıingi keń aýqymdy baǵyttardy qamtıdy.
