Ázerbaıjan Armenııaǵa munaı ónimderiniń taǵy bir partııasyn jiberdi

ASTANA. KAZINFORM — 18 vagonnan turatyn poıyz Armenııaǵa Grýzııa arqyly jetkiziledi, dep habarlaıdy Kazinform agenttiginiń menshikti tilshisi.

Habarlamaǵa sáıkes, 11 qańtarda Bıladjary stantsııasynan Boıýk Kesık baǵytynda 979 tonna AI-92 benzıni tıelgen 18 vagonnan turatyn poıyz jolǵa shyqty. Júk Armenııaǵa Grýzııa arqyly jetkiziledi.

Buǵan deıin, 9 qańtarda Armenııaǵa 2698 tonna munaı ónimi (48 vagon) jiberilgen bolatyn, onyń ishinde 1742 tonna AI-95 benzıni jáne 956 tonna dızel otyny bar.

2025 jyldyń 18 jeltoqsanynda elge 1220 tonna AI-95 benzıni jetkizildi.

28 qarashada Gabalada Ázerbaıjan men Armenııanyń vıtse-premer-mınıstrleri Shahın Mýstafaev pen Mger Grıgorıannyń kezdesýinen keıin otyn jetkizý týraly kelisimge qol jetkizildi.

Sonymen qatar, qarasha aıynda Ázerbaıjan arqyly tranzıtpen ótetin qazaqstandyq bıdaı tıegen alǵashqy poıyz Armenııanyń Aırým stantsııasyna jetkeni belgili boldy.