Ázerbaıjan Armenııaǵa 22 vagon benzın jiberdi

ASTANA.KAZINFORM — Ázerbaıjan Armenııaǵa munaı ónimderiniń alǵashqy partııasyn jiberdi, dep habarlaıdy APA aqparat agenttigi.

28 qarashada Ázerbaıjan premer-mınıstriniń orynbasary Shahın Mustafaev pen Armenııa premer-mınıstriniń orynbasary Mger Grıgorıan arasynda qol jetkizilgen kelisimge sáıkes, SOCAR memlekettik munaı kompanııasy shyǵarǵan 22 vagon AI-95 benzıni Armenııaǵa jetkiziledi.

Ázerbaıjannan otyn eksporty tek kommertsııalyq sıpatta tasymaldanady. Benzın halyqaralyq naryq baǵasymen satylady. Munaı ónimderiniń tranzıti Grýzııa arqyly bir rettik negizde tegin júzege asyrylady.

Ázerbaıjannan Armenııaǵa munaı ónimderin eksporttaý beıbitshilik protsesiniń ekonomıkalyq turǵydan oryndylyǵy tujyrymdamasyn kórsetetini jáne eki el arasyndaǵy ekonomıkalyq jáne saýda baılanystaryn ornatý jolyndaǵy mańyzdy qadam bolyp sanalatyny atalyp ótti. Bul aımaqtyq ekonomıkalyq yntymaqtastyqty damytýǵa jáne aımaq elderi arasyndaǵy baılanysty nyǵaıtýǵa yqpal etýi tıis.

Buǵan deıin Ázerbaıjan arqyly tranzıtpen ótetin qazaqstandyq bıdaı tıegen alǵashqy poıyzdyń Armenııanyń Aırým stantsııasyna jetkeni habarlanǵan bolatyn.