Ázerbaıjan álemniń 85 elinen ákelinetin azyq-túlik ónimderine shekteý qoıdy

ASTANA. KAZINFORM – Ázerbaıjan 15 túrli aýrýǵa baılanysty álemniń 85 elinen ákelinetin azyq-túlik ónimderine shekteý qoıdy, dep habarlaıdy Report.az. 

Bul týraly Ázerbaıjan Azyq-túlik qaýipsizdigi agenttiginiń bólim basshysy, bas memlekettik veterınarlyq ınspektor Galıb Abdýlalıev málimdedi.

Onyń aıtýynsha, keıingi aptada álemde blýtang, aýsyl, usaq maldardaǵy sheshek jáne joǵary patogendi qus tumaýynyń jańa jaǵdaılary anyqtalǵan.

– Mońǵolııanyń Dornod provıntsııasynda aýsyl, Slovenııanyń Ońtústik-Shyǵys jáne Ortalyq Slovenııa oblystarynda, Tómengi Posavska, Zasavska, Bolgarııanyń Sofııa jáne Gabrovo oblystarynda – blýtang, Gretsııanyń Epır jáne Batys Makedonııa ákimshilik-terrıtorııalyq birliginde, Lıvııanyń Trıpolı aýdanynda usaq maldardaǵy sheshek aýrýy, Portýgalııanyń Santarem aýdanynda, Ispanııanyń Andalýsııa avtonomııalyq birlestiginde, Norvegııanyń Nýrlann aımaǵynda joǵary patogendi qus tumaýy tirkeldi, - delingen málimdemede.

Eske sala keteıik, Qazaqstannan Ázerbaıjanǵa týrıstik aǵym 20%-ǵa artty.