Ázerbaıjan aqyndarynyń shyǵarmalary qazaqshaǵa aýdaryldy

ASTANA. QazAqparat - Astanada «Folıant» baspasynyń uıymdastyrýymen úshinshi márte ótip jatqan halyqaralyq kórmede «Jańa zaman əzerbaıjan poezııasynyń antologııasy» atty kitaptyń tusaýy kesildi, dep habarlaıdy QazAqparat tilshisi.

Saltanatty rásimge qandas aqyndardan Ekber Goshaly, Ilgar Túrkogly, Iylmaz Okýgly qatysty.

Jıyndy Qazaqstan Jazýshylar odaǵynyń tóraǵasy Ulyqbek Esdəýlet jáne Ázerbaıjannyń Qazaqstandaǵy tótenshe jáne ókiletti elshisi Rashad Mamedov ashyp berdi.

Ázerbaıjan shaıyrlarynyń tárjimalanǵan jyrlaryn Ońaıgúl Turjan, Mıras Asan, Janat Jańqash, Oljas Qasym, Aızada Rahymjanova, Raýan Qabıdoldın syndy aqyndar oqydy.  Jaryq kórip otyrǵan antologııaǵa 40-tan astam qandas aqyndardyń óleńderi engen. Igi sharaǵa  Dáýletkereı Kápuly, Tanagóz Tolqynqyzy bastaǵan aqyndar muryndyq bolǵan.

Aıta keteıik, byltyr «Qazirgi qazaq poezııasynyń antologııasy» degen atpen qazaq aqyndarynyń óleńderi ázerbaıjan  tilinde shyǵyp, atalmysh jınaqtyń tusaýy Bakýde kesilgen bolatyn.