Ázerbaıjan 14 mln tonna jeńil munaı óndirdi

ASTANA. QazAqparat - BP Azerbaijan kompanııasynyń 2017 jyldyń birinshi jartyjyldyǵynyń qorytyndy esebi boıynsha, Ázerbaıjan 2017 jyldyń birinshi jartyjyldyǵynda 14 mıllıon tonna jeńil munaı óndirdi, dep jazdy Trend.

Ótken jyly dál osy kezeńde 16 mıllıon tonna jeńil munaı óndirilgen edi. BP Azerbaijan kompanııasy Azeri Light sorty shyǵarylatyn Ázerbaıjannyń «Azerı-Chırag-Gıýneshlı» ken ornynyń blok operatory bolyp tabylady.

Esepteme boıynsha, kórsetilgen kezeń boıynsha munaı óndirýdiń ortasha táýliktegi kórsetkishi 585 myń barreldi quraıdy, sonyń ishinde 56 myń barreli «Chırag» platformasyna, 129 myń barreli «Ortalyq Azerı» platformasyna, 116 myń barreli «Batys Azerıge», 77 myń barreli «Shyǵys Azerı», 120 myń barreli «Sýy tereń Gıýneshlı» jáne 87 myń barreli «Batys Chıragege» tıesili.

2016 jyly Ázerbaıjan 31,1 mıllıon tonna Azeri Light munaıyn óndirse, 2015 jyly bul kórsetkish 31,3 mıllıon tonnany quraǵan. Birinshi jartyjyldyqta joba aıasyndaǵy operatsııalyq shyǵyndar 230 mıllıon dollarǵa, kapıtaldyq shyǵyndar - 601 mıllıon dollarǵa jetken.

«Azerı-Chırag-Gıýneshlı» blogyn júzege asyrý kelisimshartyna 1994 jyly qol qoıylǵan. Bloktyń munaı qory bir mıllıard tonnany quraıdy.