«Azbýka jılıa» úleskerlerin aldaǵandar 3-ten 8 jylǵa deıin sottaldy
" Astana qalasy Almaty aýdandyq №2 sotynyń 2016 jylǵy 28 qarashadaǵy úkimimen «Jeti-Jol», «Garant», «Komsomolskıı», «Sadovye kvartaly», «Ekspo Sıtı», «Expo Town», «Aısanam De Luxe», «Komfort De Luxe», «Dınastııa» turǵyn úı keshenderi úleskerleriniń aqshalaı qarajatyn jymqyrǵandar qylmys jasaýda aıypty dep tanyldy jáne túrli jazalaý sharalaryna kesildi», - delingen qalalyq sottyń saıtynda. Eske sala ketsek, atalǵan is boıynsha 10 adam sottalýda.
2011-2015 jyldar aralyǵynda Nurseıitova A.O. birneshe sybaılasymen - Ospanova S.H., Omarov M.A., Omarov E.K., Omarov M.K., Mıroshnıchenko V.P., Moldahmetov J.M., Nosýlenko O.V., Jumahanov I.K., Jákishev R.T. jáne ózge de tulǵalarmen aldyn ala kelisý arqyly asa iri kólemde ózgelerdiń múlkin urlaǵan.
Sottalýshylar zardap shegýshi-ınvestorlardan Astana qalasynyń aýmaǵynda salynyp jatqan turǵyn úı keshenderindegi baspanalardy satýdan túsken aqsha qarajatyn alyp, ony maqsatsyz túrde, ózge turǵyn úı keshenderiniń qurylysyn aıaqtaýǵa jumsaǵan. Sondaı-aq aýylsharýashylyq kásiporyndaryn qarjylandyrǵan, onyń ishinde «Azbýka jılıa» kompanııalar tobyna kiretin saýda kásiporyndary da bar.
Sot úkimimen Mıroshnıchenko V.P., Omarov M.A., Ospanova S.H., Omarov M.K., Nurseıitova A.O., Jumahanov I.K., Omarov E.K., Moldahmetov J.M., Nosýlenko O.V., Jákishev R.T. QR QK 189-baby, 4-bóligi (Senip tapsyrylǵan múlikti asa iri kólemde ıemdený nemese talan-tarajǵa salý) boıynsha aıypty dep tanyldy.
Jákishev R.T. men Moldahmetov J.M. jazasyn jalpy rejimdegi túzeý kolonııasynda óteýmen 8 jylǵa bas bostandyǵynan aıyryldy. Jumahanov I.K. jáne Nurseıitova A.O. jalpy rejimdegi túzeý kolonııasyna 7 jylǵa qamaldy. Mıroshnıchenko V.P. 6 jyl berildi, biraq onyń kishkentaı sábıi bary eskerilip, úkimdi oryndaý bes jylǵa keıinge qaldyryldy.
Úkim zańdy kúshine engenshe Mıroshnıchenko V.P.-ǵa kepil túrindegi bultartpaý sharasy ózgerissiz qaldy. Ospanova S.H., Nosýlenko O.V., Omarov M.A. jalpy rejim kolonııasyna 5 jylǵa toǵytyldy. Omarov E.K. jazasyn jalpy rejimdegi túzeý kolonııasynda óteýmen 3 jylǵa kesildi.
Sottalǵan Jákishev R.T., Moldahmetov J.M., Jumahanov I.K., Nurseıitova A.O., Mıroshnıchenko V.P., Ospanova S.H., Nosýlenko O.V., Omarov M.A., Omarov E.K. qylmystyq nemese ózge de jolmen alynǵan múlikteri tárkilendi. Sondaı-aq, olar 5 jylǵa belgili bir laýazymdardy nemese ákimshilik-ókim berý mindeti bar materıaldyq jaýapkershilikpen baılanysty qyzmetpen aınalysý quqyǵynan aıyryldy. Omarov M.K. shartty túrde 6 jyl berildi jáne ol 5 jylǵa belgili bir laýazymdardy nemese ákimshilik-ókim berý mindeti bar materıaldyq jaýapkershilikpen baılanysty qyzmetpen aınalysý quqyǵynan aıyryldy. Segiz sottalýshynyń bultartpaý sharasy kepil berýden qamaýǵa alýǵa aýystyryldy jáne olar sot otyrysy zalynda tutqyndaldy.
«Aısanam Otaý Astana», JSK «Aısanam DeLuxe-Ýspeh», JSK «Garant Ýspeh», JSK «Komsomolskıı Ýspeh», JSK «Dınastııa-Orda», JSK «Komfort Ýspeh», JSK «Sadovye kvartaly Ýspeh», JSK «Jeti Jol Ýspeh», JSK «Ýspeh-sıtı» turǵyn úı keshenderi boıynsha zardap shegýshiler men zardap shegýshiler ókilderiniń materıaldyq shyǵyndy óndirip alý týraly azamattyq talap-aryzdary qanaǵattandyryldy.
Zardap shegýshilerdiń azamattyq talap-aryzy boıynsha sot úkimin oryndaý maqsatynda sottalýshylar men «Azbýka Jılıa» kompanııalar tobynyń barlyq múlkine salynǵan tyıymdar alyndy. Sot sheshimimen sottalýshylar men «Azbýka Jılıa» kompanııalar tobynyń múlki zardap shegýshilerge keltirilgen zaqymdy óteýge jáne «Komsomolskıı», «Jeti jol», «Garant», «Aısanam DeLuxe», «Komfort», «Dınastııa», «Sadovye kvartaly», «Expo City», «Expo Town» turǵyn úı keshenderiniń qurylysyn aıaqtaýǵa jumsalady.
Negizgi fıgýrant Erqanat Taıjanovqa qatysty bólek qylmystyq is qozǵaldy.
